Link açıqlığı

Saatnıñ esas haberi

Ukrayına silâlı quvetleriniñ Baş ştabı cenk esirleri tutulğan Olenivkadaki koloniyağa Rusiye ordusı ateş açtı, dep bildirdi


Rusiye arbiyleri Ukrayına esirleri de tutulğan Donetsk vilâyetinde işğal altındaki Olenivkanıñ tüzetüv müessisesine toplardan «mahsus» ateş açtı. Bu aqta Ukrayına silâlı quvetleriniñ Baş ştabı bildirdi.

«Rusiye işğalcileri cinaiy maqsadlarına irişmek istedi – Ukrayınanı «cenk cinayetlerini» yapqanında qabaatlamağa, esirlerge yapılğan işkencelerni ve vaqtınca işğal etilgen Donetsk vilâyetinde Rusiye Federatsiyasınıñ Silâlı quvetleriniñ işğalci memuriyeti ve komandanlığınıñ emrinen olğan öldürüvlerni gizlemege istedi. Ücüm aqibetleri ögrenile», – dep aytıla haberde.

Ukrayına Silâlı quvetleriniñ Baş ştabı Olenivka rayonına Ukrayına arbiyleri raketa ve toplardan ateş açmadı, dep qayd etti.

«Ukrayı Silâlı quvetleriniñ raketa ordusı ve topları ortaq memleketlerden alğan silâ sayesinde tek Rusiye arbiy obyektlerine doğru ateş ete», – dep qayd etti Ukrayına komandanlığı.

Rusiye qoltutqan «DNR» gruppirovkasınıñ aydutları Olenivkadaki koloniyağa açılğan ateş neticesinde eñ az 53 ukrayınalı cenk esiri elâk oldı, dep bildire. Başta 40 kişi elâk oldı, dep aytıldı. Aydutlar Ukrayına silâlı quvetlerini qabaatlamağa tırışa. Ücüm aqqında Rusiye Federatsiyasınıñ Mudafaa nazirligi de bildirdi.

Olenivkadaki koloniyada ukrayınalı cenk esirleri, hususan bu yıl mayısta Mariupolde esir alınğan ukrayınalı arbiyler tutula.

Eki taraf da mustaqil malümat bermey. «İnsan aqları media teşebbüsiniñ» koordinatorı Olga Reşetilova qayd etkenine köre, «rusiyeliler cenk esirleri ve reineler mevzusını oyunlarda qullanıp başladı».

Prezident ofisiniñ yolbaşçı mesleatçısı Mıhaylo Podolâk bildirgenine köre, ukrayınalı esirlerge işkence yapqanından şübheli sayılğan Rusiye arbiyleriniñ kim olğanı teşkerilecek ve olar cezasını çekecekler.

Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.

Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.

Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG