Link açıqlığı

Saatnıñ esas haberi

Andriyıvka azat etilgen soñ Herson vilâyetinde Rusiye ordusı darbelerni faalleştirdi – Ğumenük


Herson vilâyetinde Andriyıvka azat etilgen soñ Rusiye ordusı darbelerni faalleştirdi. Bu aqta Cenüp qoruv ve mudafaa quvetleriniñ koordinatsion matbuat merkeziniñ yolbaşçısı Natalâ Ğumenük haber etti.

«Belli muvafaqiyetlerni qıdıramız. Andriyıvka azat etilgen soñ duşman darbelerni quvetleştirdi. Gece Ka-52 vertolötlarınen ücüm yapıldı. Aynı yerge darbe endirildi. Qarşılıq köstermege tırıştılar… Amma muvafaqiyetli olamayıp, ğayıplarnen ketmege mecbur ediler. Çünki mevzilerimiz pekitildi ve anda olğan diversion-qıdıruv gruppalarnı temizleymiz», – dep ayttı o, milliy telemarafon yayınında.

İyülniñ 27-ne keçer gecesi «Cenüp» operativ komandanlığı Herson vilâyetindeki Andriyıvka azat etildi, dep bildirdi. Bundan bir qaç kün evelsi Lozove azat etildi.

İyülniñ 18-nde prezident Volodımır Zelenskıy fevralniñ 24-nden başlap Ukrayına quvetleri 1028 mesken yerni azat etti, daa 2621 mesken yer Rusiye işğali altında buluna, dep bildirdi.

Büyük Britaniya Mudafaa nazirligi memleketniñ istihbarat malümatına esaslanıp, Ukrayınanıñ Herson vilâyetine qarşı ücümi quvetleşe, dep bildirdi.

Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.

Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.

Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG