Ukrayına prezidenti Volodımır Zelenskıy Ukrayına küreşini devam ettirip, özüni qorquzmağa izin bermeycek. Bu şekilde o, iyülniñ 28-nde, Ukrayına devletçilik kününde, olğan ateşlerni izaatladı.
«Raatsız bir saba. Kene raketalı terror. Biz teslim olmaycaqmız. Qolllarımıznı endirmeycekmiz. Bizni qorquztsp olamazlar. Ukrayına – mustaqil, serbest, bölünmez bir devlet», – dep yazdı Zelenskıy içtimaiy ağlarda ve Devletçilik künü tebrikledi.
Öz muracaatında o, Ukrayına devletçilik, qoruv ve küreş tarihınıñ bütün basamaqları «bir cümlenen tarif etile bile: bar edik, barmız ve bar olacaqmız!», dep qayd etti.
«Bizim içün Devletçilik künü – er kündir. Er kün dünyada yaşağan er kes añlasın dep küreşemiz: biz koloniya, anklav, protektorat, guberniya, eyalet ya da çet degilmiz, biz başqa imperiyalarnıñ bir qısmı, bir toprağı, ittifaq cumhuriyeti, muhtariyet, vilâyet degilmiz, biz mustaqil, suveren, bölünmez ve mustaqil bir devletmiz», – dep bildirdi prezident.
Zelenskıynıñ aytqanına köre, Ukrayına arbiyleri küreşçilerniñ destegini is ete.
«Bizim içün esarette yaşamaq yaşamaq degil. Muhtac olmaq – olmamaq. Çünki mustaqil olmağan ve serbest olmağan Ukrayına – Ukrayına degil», – dep qayd etti prezident.
Ukrayına devletçilik künü bıltır Mustaqillik kününde – avgustnıñ 24-nde – ilân etildi. Bu yıl iyülniñ 28-nde qayd etilecek. Bu yıl ilk sefer qayd etile.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
