Qurtarıcılar Rusiyeniñ Odesa vilâyetiniñ köylerinden birine açqan saba ateşleri neticesinde çıqqan yanğınlarnı söndürdi. Bu aqta Ukrayınanıñ devlet fevqulâde vaziyetler nazirligi bildirdi.
«Bugün saba Qurtaruv hızmetine qanatlı raketalar tüşken Odesa vilâyetine yaqın köylerniñ binalarında çıqqan yanğınlar aqqında haber etildi. Adise neticesinde bir kişi yaralandı, tibbiy yardım kösterilgen soñ hastahanege ketmege istemedi. Yanğınlar söndürildi», – dep aytıla haberde.
Ukrayına prezidenti Volodımır Zelenskıy Odesa vilâyetiniñ Zatoka köyü ateşke oğradı, dep bildirdi. O, ateşten mesüliyetli Rusiye arbiyleri cezasını çekecek, dep qayd etti.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrayinalılarnıñ tirenüvi sebebinden Kıyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
