Link açıqlığı

Saatnıñ esas haberi

BM: Rusiyeniñ Ukrayınağa qarşı istilâsı başlağanından 5237 barışıqsever insan elâk oldı


Fevralniñ 24-nden Rusiyeniñ Ukrayınağa qarşı büyük istilâsı neticesinde 5237 barışıqsever sakin, hususan 348 bala elâk oldı. Bu malümatnı BM insan aqları Yuqarı komissarınıñ idaresi aydınlattı.

BM esaplarına köre, 2019 er adamı, 1379 qadın, 143 qızçıq ve 164 oğlançıq elâk oldı. Daa 41 bala ve 1491 büyükniñ cınsı daa añlaşılmağan. 7035 insan, hususan 1384 er adamı, 1017 qadın, 150 qızçıq, 215 oğlançıq ve cınsı belli olmağan daa 195 bala ve 4074 büyük yaralandı.

Statistikağa köre, eñ çoq insan mart ayında (3120) vefat etti. İyülniñ 1-nden 24-ne qadar 285 ölüm qayd etildi.

BM eñ çoq vatandaş Lugansk ve Donetsk vilâyetinde elâk oldı, dep qayd ete – 3089 insan öldürildi ve 3760 kişi yaralandı. Ukrayına akimiyeti kontrol etken topraqlarda 2848 insan elâk oldı ve 2820 kişi yaralandı – Rusiye kontrol etken yerlerde – 241 kişi öldürildi ve 940 kişi yaralandı.

Diger ölgenler ve yaralanğanlar Kyivde, Çerkası, Çerniğiv, Harkiv, Herson, Kyiv, Mıkolayıv, Odesa, Sumı, Zaporijjâ, Dnipropetrovsk, Poltava, Rivne, Vinnıtsâ, Ternopil, İvano-Frankivsk ve Jıtomır vilâyetlerinde qayd etildi. Anda 2148 insan elâk oldı, 3275 kişi yaralandı, dep bildire BM.

Çoqusı ölüm ve yaralavnıñ sebebi patlayıcı maddelerniñ qullanıluvı oldı, ağır top ve çoqlu ateş reaktiv sistemaları, raketa ve ava ücümleri de qayd etildi.

Ukrayına Baş prokurorınıñ ofisi elâk olğan 358 bala ve yaralanğan 686 bala aqqında bildirdi. Eñ çoq bala Donetsk, Harkiv ve Kyiv vilâyetinde zarar kördi.

Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrayinalılarnıñ tirenüvi sebebinden Kıyivni zapt etemedi.

Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.

Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG