Qırımdaki Rusiye vatandaşları Mudafaa nazirliginen añlaşma imzalamağa ya da uzatmağa istemey. Bu aqta Ukrayına Mudafaa nazirliginiñ Baş istihbarat idaresiniñ vekili Vadım Skibitskıy Qırım.Aqiqatqa ayttı.
«İlk ayları BARS – olar aytqanı kibi, bu memleketniñ uruş ordusı pek faal celp etilgen olsa, bu batalyonlar nasıl şekillendirilgenini bilemiz, şimdi bilemiz ki, Rusiye vatandaşları añlaşmalarnı imzalamağa razı olmay… Çünki olar birden bizge, topraqlarımızğa, cenk uruşlarına keteceklerini bileler. Mobilizatsiya ve Qırım yarımadasında askerlik vaziyeti budır», – dep bildirdi Ukrayına istihbaratınıñ vekili.
Skibitskıynıñ aytqanına köre, «razı olmağanlarnıñ» sayısı garnizonlarğa bağlı.
«Daa büyük zarar olğan, toprağımızda cenkleşken bölüklerde, anda eñ çoq narazılıq bildireler. İnsanlar añlaşma uzatmağa istemey ve onı bozalar. Çünki uquq ceetinden – cenk yoq. Bölükke qaytqanda añlaşmanı imzalamağa imkân bergen «mahsus operatsiya» bar. Mında uquqçılar bunı nasıl yapmaq mümkün olğanını ayta. Çünki cenk olsa edi, emirni yerine ketirmegenleri içün bam-başqa mesüliyet olur edi», – dep añlattı Skibitskıy.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrayinalılarnıñ tirenüvi sebebinden Kıyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
