Link açıqlığı

Saatnıñ esas haberi

Ukrayınağa qarşı cenkte Rusiye er kün «yüzlernen» arbiyini coya – ABD memurı


Nümüneviy fotoresim
Nümüneviy fotoresim

Washingtonnıñ fikirince, Rusiyeniñ Ukrayınağa qarşı cenkinde er kün yüzlernen askeri öle ve büyük ücüm yapılğan fevralniñ 24-nden berli biñlernen leytenant ve kapitan elâk oldı, dep bildirde iyülniñ 22-nde ABD mudafaa müessisesiniñ vekili.

Öldürilgen leytenant ve kapitanlar, yüzlernen polkovniknen beraber Rusiye generalları da öldürildi, dep bildire gizli qalmaq istegen memurnıñ aytqanlarını Reuters.

«Komandanlıq zıncırı alâ daa qıyınlıq köre», – dedi memur.

ABD mudafaa müessisesiniñ vekili aytqanına köre, Washington, Ukrayına 100-den çoq Rusiye mevzisini, hususan komandanlıq noqtaları, silâ anbarları ve ava mudafaa obyektlerini yoq etti, dep tüşüne.

Merkeziy istihbarat idaresiniñ müdiri William Burns iyülniñ 20-nde bildirdi ki, Amerika Birleşken Devletleriniñ esaplarına köre, aman-aman beş ay içinde Ukrayınada tahminen 15 biñ Rusiye arbiyi öldürildi ve 45 biñge yaqın yaralandı, Ukrayına silâlı quvetleri de büyük zarar kördi.

Rusiye arbiylerniñ ölümini devlet sırı olaraq tasnif ete ve resmiy malümatnı pek az aydınlata. Martnıñ 25-nde Rusiye Federatsiyasınıñ Mudafaa nazirligi ölgen 1351 Rusiye arbiyi aqqında bildirdi.

Ukrayına Silâlı quvetleriniñ Baş ştabı Rusiye büyük cenkte tahminen 39 biñ arbiyini coydı, dep bildire.

Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrayinalılarnıñ tirenüvi sebebinden Kıyivni zapt etemedi.

Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.

Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG