Qırımnıñ Rusiye akimiyeti bildirgenine köre, Qırım yarımadasında yağğan küçlü yağmurlar neticesinde olğan sellerden 2,5 biñden çoq insan zarar kördi. Bu aqta Rusiye kontrolindeki Qırım yolbaşçısı Sergey Aksenov ayttı.
«Umumen 2,5 biñden çoq insan üç belediyede zarar körgenler olaraq tanıldı. Aqmescit şeerinde 625 insan, Aqmescit rayonında 1750 insan, Qarasuvbazar rayonında 217 kişi zarar kördi. Bundan ğayrı, Aqmescit rayonında zarar körgen sakinlerniñ sayısı 3 biñge arta bile, çünki zarar körgen evlerde yaşav qıyınlıqlarını tasdıqlamaq küç», – dep yazdı Aksenov Telegram kanalı.
Hatırlatamız, iyun ayında Aqmescit ve Qarasuvbazar rayonlarında ve Aqmescitte küçlü yağanaqlar sebebinden evlerni suv bastı. İyünniñ 27-nde Rusiye kontrolindeki Qırım yolbaşçısı Sergey Aksenov fevqulâde vaziyet rejimini kirsetti.
İyunniñ 28-nde Geoinformatika ve turğun inkişaf malümatı dünya merkeziniñ GİS-mütehassısı Sergey Gapon Qırım.Aqiqatqa bildirgenine köre, Aqmescit ve Qarasuvbazar rayonlarında 2022 senesi yazda suv basuvları tekrarlana bile.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
