Link açıqlığı

Saatnıñ esas haberi

Odesağa kerçekleştirilgen raketa darbesi: anbar yandı, yaralanğanlar şimdilik yoq


Odesa, nümüneviy fotoresim
Odesa, nümüneviy fotoresim

Odesağa kerçekleştirilgen Rusiye raketa ücümi neticesinde anbarlardan birinde yanğın çıqtı, yaralanğanlar şimdilik yoq. Bu aqta Odesa vilâyeti arbiy memuriyetiniñ spikeri Serğiy Bratçuk bildirdi.

Onıñ qayd etkenine köre, insanlar zarar körmedi, çünki telükesizlik qaidelerine riayet etmedi.

«Anbar qaravulları zarar körmedi, çünki ava telükesi signalınen sığınaqqa kettiler», – dedi Bratçuk.

Onıñ bildirgenine köre, adise yerinde qurtarıcılar çalışa.

İyülniñ 16-nda saba Rusiye ordusı Rusiyeniñ Stavropol şeeri tarafından Tu-95 strategik aviatsiya uçaqlarını qullanıp, Odesağa raketanen ücüm etti, dep bildirdi «Yug» operativ komandanlığı. İlk malümatqa köre, X-101 raketa tüşmesi neticesinde sanayı-ticaret şirketiniñ anbarında tahminen biñ metr kârelik meydanda yanğın çıqtı.

Rusiye fevralniñ 24-nde Ukrayınağa büyük istilâ etti, amma istegenini alamadı, hususan ukrayınalılarnıñ tirenüvi sebebinden Kyivni zapt etemedi.

Aprelniñ 22-nde Rusiye Ukrayınadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayınanı kontrol altına almağa niyetlene.

Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayınanıñ küçlü tirenüvi sebebinden Rusiye ordusınıñ ğayıpları büyük.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG