Link açıqlığı

Saatnıñ esas haberi

Vinnıtsâda matem künü: 2 bala ve daa 11 büyükniñ kimligi daa belli degil, Ukraiyına fevqulâde vaziyetler hızmeti çalışmağa devam ete


Vinnıtsâ
Vinnıtsâ

Vinnıtsâda iyülniñ 15-i – Rusiye ordusı şeerniñ merkezine endirgen darbe qurbanlarını añma künü.

«Matem künü. Qorqunç acı ve qaar künü. 23 insan elâk oldı, 3 bala, aralarında 4 yaşında «küneşli» Liza bar. Eki bala kimligi alâ daa belli degil… 11 büyük da öyle. Lizanıñ anası sağ. Ameliyat yapıldı, alı ağır. Hastahanede 73 yaralanğan bar. 18 kişi ğayıp oldı. Tuvğanları ve yaqınlarına taziye bildiremiz», – dep yazdı Vinnıtsâ vilâyeti arbiy memuriyetiniñ yolbaşçısı Serğiy Borzov Telegram kanalında.

Vinnıtsâ şeer şurası matem künü Vinnıtsâ ve vilâyetinde bütün eglence-kontsert tedbirleri lâğu etildi. Komediâ filmler, eglence, muzıkalı yayınlar toqtatıldı.

«Şeerniñ bütün müessiselerinde şeñ muzıka yanğıramamalı. Bugün evlerde ve devlet akimiyet organları, yerli idare inşaatlarında, devlet müessise ve teşkilâtlarnıñ binalarında Ukrayına devlet bayraqları endirildi», – dep aytıla haberde.

Ukrayınanıñ fevqulâde vaziyetler devlet hızmeti saba qıdıruv-qurtaruv işlerini kene başlattı. Umumen beş yüzge yaqın insan ve 66 dane tehnika çalışa.

İyülniñ 14-nde belli olğanına köre, Rusiye ordusı Vinnıtsâğa raketa ücümini kerçekleştirdi. Şeerniñ merkezinde bir qaç inşaat zarar kördi, Turmuş evi ögünde tahminen 25 maşina yandı. Darbe kündüz şeerde çoq insan olğanda oldı.

Ukrayına prezidenti Volodımır Zelenskıy Vinnıtsâğa kerçekleştirilgen raketa darbesini izaatlap, Rusiyeni «qatil memleket ve terrorist» dep adlandırdı.

Rusiye fevralniñ 24-nde Ukrayınağa büyük istilâ etti, amma istegenini alamadı, hususan ukrayınalılarnıñ tirenüvi sebebinden Kyivni zapt etemedi.

Aprelniñ 22-nde Rusiye Ukrayınadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayınanı kontrol altına almağa niyetlene.

Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayınanıñ küçlü tirenüvi sebebinden Rusiye ordusınıñ ğayıpları büyük.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG