Link açıqlığı

Saatnıñ esas haberi

Qırımda tutulğan faal Rolan Osmanovnı «Rusiye silâlı quvetlerini itibardan tüşürgeninde» qabaatladılar


Rolan Osmanov
Rolan Osmanov

İşğal etilgen Qırımda Rusiyeniñ Ekstremizm ile küreş merkeziniñ hadimleri qırımtatar faali Rolan Osmanovnı «Rusiye Federatsiyası silâlı quvetlerini itibardan tüşürgeninde» ve «polis hadiminiñ qanuniy talaplarına riayet etmegeninde» qabaatladı, dep bildire «Qırım birdemligi» cemaat birleşmesi.

Aq qorçalayıcı Lutfiye Zudiyevanıñ bildirgenine köre, Rusiye Federatsiyasınıñ Memuriy uquq bozuvları kodeksiniñ 19.3 maddesine istinaden idariy protokol tizildi, dava Rusiye kontrolindeki Aqmescitniñ Jeleznodorojnıy rayon mahkemesinde baqılacaq. Ekinci protokolnen bağlı mahkeme aqqında aq qorçalayıcı bilmey.

Faal 30 biñden 50 biñ rublege qadar para cezası, 2 biñden 4 biñge qadar para cezası, 15 künge qadar idariy apis cezası ya da 40-tan 120 saatqa qadar tüzetüv işlerini ala bile.

Rusiye uquq qoruyıcıları şimdilik resmiy izaat bermedi.

Hatırlatamız, iyülniñ 13-nde «Qırım birdemligi» Rusiye kontrolindeki Qırım Yuqarı mahkemesiniñ binası ögünde kimligi belli olmağan insanlar qırımtatar faali Rolan Osmanovnı tuttı, dep bildirdi.

Faal Lemmar Yunusov Osmanov Rusiyeniñ Ekstremizm ile küreş merkeziniñ binasında buluna, dep haber etti. Bu malümatnı «Krım SOS» aq qorçalayıcı teşkilâtınıñ talilcisi Yevğen Yaroşenko da tasdıqlay.

2021 senesi dekabr ayında Rolan Osmanov o yıl sentâbrniñ 4-nde FSB binası ögünde toplaşuv içün 15 biñ ruble para cezasını aldı. O künü Aqmescit rayonınıñ Biy Tanış (Pervomayskoye) köyünde qırımtatar faali Nariman Celâlnıñ evinde tintüv keçirilgen edi.

2019 senesi aprelniñ 30-nda Rusiye uquq qoruyıcıları Rolan Osmanovnıñ evini tintken edi. Osmanov tutulmağan edi.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG