Zaporijjâda eki raketa darbesi qayd etildi, dep bildire Zaporijjâ vilâyetiniñ arbiy memuriyeti iyülniñ 13-nde.
«Vilâyetniñ merkezinde duşmannıñ eki raketası qayd etildi. Şeer müessiselerinden birine tüşti. Resmiy malümat teşkerilecek», – dep bildire vilâyetniñ arbiy memuriyeti.
Vilâyetniñ akimiyeti vatandaşlardan ava telüke signalı qaidelerine riayet etmelerini ve raketa darbeleri aqqında malümatnı tarqatmamalarını rica ete.
Rusiye arbiyleri Zaporijjâğa kerçekleştirgen darbeni şimdilik izaatlamay.
Rusiye fevralniñ 24-nde Ukrayınağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayınadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayınanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayınanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
