Rusiye ordusı iyülniñ 7-nde Harkiv rayonlarından birine darbe endirdi – üç insan yaralandı, malümat yañartıla, dep bildirdi Harkiv vilâyeti arbiy memuriyetiniñ yolbaşçısı Oleg Sinegubov.
İlk malümatqa köre, Rusiye Federatsiyasınıñ ordusı çoqlu ateş reaktiv sistemalarından ateş açtı. Adise yerlerinde qurtarıcı, ekim ve uquq qoruyıcılar çalışa.
«Harkiv sakinlerinden muqayt olıp, kerek olmasa, şeer soqaqlarında dolaşmamağa rica etemiz. Duşmannıñ niyetleri pek yaramay, mesken rayonlarına ve vatandaş infrastrukturasına darbe endire», – dep yazdı o, Telegram kanalında.
Rusiye fevralniñ 24-nde Ukrayınağa büyük istilâ etti, amma istegenini alamadı, hususan ukrayinalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayınadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayınanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
