Link açıqlığı

Saatnıñ esas haberi

«Qırım» Ukraina batalyonınıñ askerleri Zmiyınıy adasından Ukraina bayrağı ile video derc etti


Zmiınıy adasında Ukrayına bayrağı
Zmiınıy adasında Ukrayına bayrağı

«Qırım» Ukrayına batalyonınıñ askerleri Rusiye ordusından azat etilgen Zmiyınıy adasında video muracaatını çıqarıp, Facebook saifesinde derc etti.

«Zmiyınıy adasında Ukrayına bayrağı kene köterildi. Bu bayraq (Qırım – QA) yarımadasında da köterilecek», – dep ayttı askerlerden biri videoda.

İyülniñ 4-nde Ukrayına cenübi mudafaa küçleriniñ birleşken koordinatsion matbuat merkeziniñ yolbaşçısı Natalâ Ğumenük brifingde bildirgenine köre, Ukrayına arbiyleri Zmiyınıy adasında Ukrayına bayrağını tikledi.

İyünniñ 30-nda Ukraina Silâlı quvetleriniñ baş komandanı Valeriy Zalujnıy Rusiye arbiyleri Zmiyınıy adasını terk etti, dep tasdıqladı. Rusiye Mudafaa nazirligi «istekli bir adım» dep adlandırdı.

Rusiye Federatsiyası büyük cenk başlatqanındaki Qara deñizdeki Zmiyınıy adası vaqtınca Rusiye işğali altında edi. Ara-sıra Ukraina tarafı Rusiye quvetleri adada ve yaqınlarında zarar köre, dep haber etken edi.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

XS
SM
MD
LG