Ukraina prezidenti Volodımır Zelenskıy iyülniñ 7-nde yapqan video muracaatında Ukrainanıñ ğarbiy ortaqlarından alğan toplarnıñ küçlü çalışqanı niayet is etile, dep bildirdi.
«Ğarbiy toplarnıñ pek küçlü çalışıp başlağanı niayet is etile – ortaqlarımızdan alğan silâmız. O, keregi kibi çalışa. İmayecilerimiz işğalcilerniñ logistikası içün müim olğan anbar ve diger yerlerge küçlü darbeler endire. Bu Rusiye ordusınıñ ücüm imkânlarını bayağı eksilte. Er afta işğalcilerniñ zararları eksilecek, bir şey ketirmeleri de zorlaşacaq», – dedi Zelenskıy.
Onıñ aytqanına köre, Ukraina ordusı bir qaç taktik yönelişte ileriley, hususan – Herson ve Zaporijjâ vilâyetlerinde.
«Cenübimiz, Ukraina Donbası içün küreşemiz – şimdi Slavânsk ve Bahmut yanında eñ büyük çatışmalar bar. Harkiv vilâyeti içün küreşemiz. İşğalciler bu topraqta çoq qalacaqlar, topları ebediy, dep tüşünmesin», – dep qoştı Zelenskıy.
İyülniñ 6-nda Ukraina Mudafaa nazirligi Rusiye tarafınıñ HIMARS sistemasını yoq etkenlerine dair beyanatını red etti.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrayinalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
