Ukraina arbiyleri Zmiyınıy adasında Ukraina bayrağını tikledi. Bu aqta Ukraina cenübi mudafaa quvetleriniñ birleşken koordinatsion matbuat merkeziniñ yolbaşçısı Natalâ Ğumenük bildirdi.
«Arbiy operatsiya bitti ve (Zmiyınıy adası – QA) Ukraina yurisdiktsiyasına qaytarıldı», – dep bildirdi Ğumenük.
İyünniñ 30-nda Ukraina Silâlı quvetleriniñ baş komandanı Valeriy Zalujnıy Rusiye arbiyleri Zmiyınıy adasını terk etti, dep tasdıqladı. Rusiye Mudafaa nazirligi «istekli bir adım» dep adlandırdı.
Rusiye Federatsiyası büyük cenk başlatqanındaki Qara deñizdeki Zmiyınıy adası vaqtınca Rusiye işğali altında edi. Ara-sıra Ukraina tarafı Rusiye quvetleri adada ve yaqınlarında zarar köre, dep haber etken edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
