Litvaniya iyülniñ 6-ndan soñ Vanagas Bayraktarını berecek, dep bildirdi Litvaniya mudafaa naziri Arvidas Anuşauskas.
«Vanagas «Bayraktarı» endi Litvaniyada! İyülniñ 6-nda Şâulây bazasında qısqadan taqdim etilecek, soñra Ukrainağa yol alacaq!», – dep yazdı Anuşauskas Twitterde iyülniñ 4-nde.
İyünniñ başında Anuşauskas Türkiye Litvaniyada parası toplanğan Bayraktarnı bedava berecek, dep bildirdi.
Bundan evel Litvaniya ükümeti bildirgenine köre, memleket Ukraina içün «Bayraktarğa» 5 million euro topladı.
Litvaniya ve Türkiye vekilleri iyünniñ 1-nde Ankarada arbiy dronlarnı almaq içün añlaştı.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
