Ukrainada iyülniñ 2-ne qadar Rusiyeniñ büyük istilâsı neticesinde, balalarnıñ işlerinen oğraşqan prokurorlarnıñ resmiy malümatına köre, 344 bala elâk oldı, çağına yetmegen 640 bala yaralandı, dep bildire Ukraina Baş prokurorınıñ ofisi.
343 elâk olğan ve 635 yaralanğan bala aqqında haber etilgen edi.
«Eñ çoq bala Donetsk vilâyetinde – 340, Harkiv vilâyetinde – 185, Kyiv vilâyetinde – 116, Çerniğiv vilâyetinde – 68, Lugansk vilâyetinde – 61, Mıkolayıv vilâyetinde – 53, Herson vilâyetinde – 52, Zaporijjâ vilâyetinde – 31 zarar kördi», – dep aytıla haberde.
Ukraina Baş prokurorınıñ ofisi iyülniñ 1-nde Rusiyeniñ Donetsk vilâyetindeki Bahmut şeeriniñ vatandaş infrastrukturasına kerçekleştirgen darbesi neticesinde 11 yaşında oğlançıq yaralandı.
«Rusiye Federatsiyasınıñ silâlı quvetleri iyünniñ 27-nde Poltava vilâyetiniñ Kremençuğ şeerindeki «Amstor» alış-veriş merkezine endirgen raketa darbesi neticesinde 9 yaşında bala zarar kördi», – dep aytıla haberde.
İyülniñ 1-nde Odesa vilâyetiniñ Belgorod-Dnistrovskıy rayonınıñ raketa darbeleri neticesinde zarar körgenlerniñ sayısı arttı, dep qayd etti Baş prokurornıñ ofisi.
«Bir künde belli olğanına köre, bir bala elâk oldı ve üç bala yaralandı: 2 yaşında qızçıq ve 8 ve 13 yaşında oğlanlar. Eki balanıñ alı pek ağır», – dep bildire müessise.
Ukraina Baş prokurorınıñ ofisi qayd etkenine köre, bu raqamlar tam degil, çünki cenk ketken yerlerde, işğal etilgen ve azat etilgen topraqlardan malümat tez kelmey.
Bundan ğayrı, Ukraina Baş prokurorınıñ ofisi bildirgenine köre, Rusiye Federatsiyasınıñ bombardımanları ve ateşi neticesinde 2101 oquv yurtu zarar kördi: 215-i bütünley yıqıldı.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
