Amerika Birleşken Devletleriniñ mudafaa naziri Lloyd Austin Rusiyeniñ cenki tek Ukrainanıñ suvereniteti içün telükeli degil, dep bildire.
«Rusiyeniñ Ukrainağa qarşı maqsadlı ve sebepsiz istilâsı Ekinci cian cenki zamanlarından berli Avropa telükesizligi içün eñ büyük telüke ola. Putinniñ qararınen başlanğan cenk tek Ukraina suvereniteti içün telükeli degil. Bu transatlantin barışıq ve telükesizlikke qarşı bir ücüm», – dedi Austin.
Onıñ aytqanına köre, Vladimir Putinniñ cenki «zalımlarnıñ imperik istekleri barışıqsever qomşularınıñ qlarından daa müim olğanını tüşüngenini» hatırlata.
«Ve bu bütün dünyada istegen insanlarğa birleşüv çağıruvı, olar azatlıq, demokratiya ve insan aqlarını serbest idare sistemalarını keçmişte qalğanını tüşüngen avtokratlardan qorumaq içün birleşti», – dep qoştı ABD mudafaa naziri.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
