Link açıqlığı

Saatnıñ esas haberi

Ukraina Yuqarı Radası yañı insan aqları vekâletlisini tayin etti


Dmıtro Lubinets
Dmıtro Lubinets

Ukraina Yuqarı Radası yañı İnsan aqları vekâletlisini tayin etti. Bu aqta «Ğolos» fraktsiyasınıñ halq deputatı Yaroslav Jeleznâk bildirdi.

Onıñ aytqanına köre, parlament tarafından işten çıqarılğan Lüdmila Denisovanıñ yerine firqasız halq deputatı Dmıtro Lubinets oldı. O, «Za maybutne» deputat gruppasına kire.

«Bir saat devam etken muzakereden soñ Dmıtro Lubinets Ukraina Yuqarı Radasınıñ insan aqları vekâletlisi vazifesine tayinlendi», – dep bildirdi Jeleznâk rey berüv neticelerini fotoresimde kösterip.

«250 halq deputatı qoltuttı, çoqusı – «Sluğa narodu» vekilleri».

İyünniñ 21-nde Ukraina parlamentiniñ yolbaşçısı Ruslan Stefançuk Dmıtro Lubinetsniñ namzetini Ukraina Yuqarı Radasınıñ insan aqları vekâletlisi vazifesine teklif etti. Onıñ namzetine İnsan aqları şurasınıñ komiteti qoltuttı.

2021 senesi küzde «Shemı» (Azatlıq Radiosı ve UA:Perşıynıñ ortaq leyhası) «Za maybutne» Firqasınıñ» deputat gruppasınıñ azası Dmıtro Lubinets ömür arqadaşı Yanınanıñ «Sluğa narodunıñ» vekili Arseniy Puşkarenkonıñ yardımcısı olaraq işke alınması içün issesini qoştı. Bu aqta Puşkarenko jurnalistlerge özü ayttı. Yanına Lubinets bu vazifede er ay 10 biñ ğrıvnâ ala edi. Dmıtro Lubinets ise apayınıñ işinen bağlı yapqanlarını qabul etmedi.

Mayısnıñ 31-nde Yuqarı Rada ombudsman Lüdmila Denisovanıñ İnsan aqları vekâletlisi vazifesinden boşatılmasına qoltuttı. O, bu qararnı parlamentte şikâyet etmege niyetlene, çünki «Ukraina Anayasası, qanunları ve halqara standartlarğa zıt bir şekilde» işten çıqarılğanını tüşüne. Denisova, onıñ işten çıqarılması arqasında Ukraina prezidentiniñ ofisi tura, dep aytta, lâkin anda bunı inkâr eteler.

Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG