Link açıqlığı

Saatnıñ esas haberi

Qarasuvbazar rayonında suv eksilip başladı (+foto)


Afta başında Qarasuvbazarnı basqan Biyük-Qarasu ve Tana-Su özenlerinde suv eksilip başladı, dep haber ete Qırım.Aqiqat mühbiri.

Tana-Su özeni eski sıñırlarına qayta.

Qarasuvbazardaki Tana-Su özeni, 2022 senesi iyünniñ 29-ı
Qarasuvbazardaki Tana-Su özeni, 2022 senesi iyünniñ 29-ı

Biyük-Qarasu özeninde suv seviyesi yüksek qaoa, amma aşağıda qalğan yerlerni artıq basmay.

Büyük-Qarasu özeni, 2022 senesi iyünniñ 29-ı
Büyük-Qarasu özeni, 2022 senesi iyünniñ 29-ı

Qarasuvbazar rayonında tahminen 75 evni suv bastı. Sanayı issihanesi pek zarar kördi, donatmaları bütünley bozuldı.

Qarasuvbazar suv anbarı, 2022 senesi iyünniñ 29-ı
Qarasuvbazar suv anbarı, 2022 senesi iyünniñ 29-ı

«Taygan suv anbarınıñ aman-aman 95-100%-ı tolu. Qarasuvbazar suv anbarı taştı, saniyede 20 kubometr miqdarında Qarasu özenine suv toplanıla», – dep bildirdi Qarasuvbazar rayonınıñ memuriyet yolbaşçısınıñ muavini Andrey Pirogov.

Qarasuvbazar suv anbarı, 2022 senesi iyünniñ 29-ı
Qarasuvbazar suv anbarı, 2022 senesi iyünniñ 29-ı

Qarasuvbazar-Üsküt yolu qapalı, Başı (Golovanovka) rayonında köpürni suv bastı. Yerli sakinler içün keçirüv rejimi kirsetildi.

Qarasuvbazarda suv basqa internatnıñ zararı ilk esaplarğa köre 20 mln ruble ola.

Qarasuvbazar rayonındaki afet sebebinde Rusiye akimiyeti fevqulâde vaziyetni ilân etti.

Aqmescit ve Qarasuvbazar rayonlarında 2022 senesi yazda suv basuvları daa ola bile. Bu aqta Geoinformatika ve turğun inkişaf malümatı merkeziniñ GİS-mütehassısı Sergey Gapon Qırım.Aqiqatqa bildirdi.

«Bu yazda bir kere ya da eki kere daa tekrarlana bile. Bunı tahmin etmek zor, amma vaziyetke baqsaq, büyük ihtimal bar», – dep ayta Gapon. Ekspertniñ malümatına köre, Qırımnıñ suv anbarları taşqanda çoq yağğan yağmur acele suv atuvlarına ketire bile.

İyünniñ 26-na keçer gecesi yarımadada sağanaqlar yağıp başladı. Aqmescit, Qarasuvbazar, Bağçasaray rayonlarında ve Aluştada aylıq yağanaqlarnıñ yarısından bütüni yağdı. Aqmescitte ve Aqmescit rayonında suv basuvları oldı, Qarasuvbazarda ve Qarasuvbazar rayonında bazı mesken yerler zarar kördi, Aluşta rayonındaki «Ayu-Dağ» şifahanesi selge oğradı.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG