Ukraina ve Rusiye arasında büyük esirler deñişüvi oldı, dep haber ete Ukraina Mudafaa nazirliginiñ Baş istihbarat idaresi Arbiy esirlerge munasebet meseleleri koordinatsion ştabına esaslanıp.
«Esirler deñiştirildi, bunıñ sayesinde 144 Ukraina imayecisi evge qayttı. Büyük Rusiye istilâsı başlağanından eñ büyük deñişüv oldı. Azat etilgen 144 insandan 95-i «Azovstal» imayecisi ola. Olarnıñ arasında «Azov» polkunıñ 43 arbiyi», – dep bildire müessise.
İstihbaratnıñ malümatına köre, azat etilgenler arasında:
- 59-ı – Milliy gvardiya arbiyleri
- 30 – Arbiy-deñiz quvetleriniñ arbiyleri
- 28 – Ukraina Silâlı quvetleriniñ arbiyleri
- 17 – Ukraina Devlet sıñır hızmetiniñ hadimleri
- 9 – Territorial mudafaa arbiyleri
- 1 – Milliy polis arbiyi
Ukraina Mudafaa nazirligi Baş istihbarat idaresi qaytqan arbiylerniñ eñ büyügi 65 yaşında, eñ kiçigi – 19 yaşında.
«Azat etilgen ukrainalılarnıñ ekseriyeti ağır yaralanğan: nariye ve parça yaraları, patlav yaraları, yanıq, sınıqlar, ayaq ve qolları amputatsiya etildi. Episi acele tibbiy ve psihologik yardım körecek», – dep bildire Ukraina komandanlığı.
İyünniñ 6-nda Ukraina prezidenti Volodımır Zelenskıy Rusiye esirliginde «Azovstalden» 2500-den çoq Ukraina arbiyi tutula.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
