Link açıqlığı

Saatnıñ esas haberi

Zelenskıy: büyük cenk başlağanından Rusiye Ukrainağa 2709 raketa endirdi


Volodymyr Zelenskıy
Volodymyr Zelenskıy

Rusiye ordusı büyük istilâ başlağanından Ukrainağa 2709 raketa endirdi – bu malümatnı iyünniñ 23-nde Ukraina prezidenti Volodımır Zelenskıy İsrail belli tasil müessiseleriniñ cemiyeti ögünde çıqışta bulunıp.

«Rusiye ordusı er kün ve gece Ukrainağa raketalarnen ücüm ete. Çoqusı – adiy arbiy olmağan obyektlerge kete: mesken ev, müessise, infrastruktura, vatandaşlarğa. Sabağa qadar Ukrainağa qarşı 2709 raketa qullanıldı. Qullanuv tezligine baqılsa, tezden olarnıñ sayısı 3 biñge çıqar. Bu adiy raketalar degil. Ebet, aralarında eski, daa sovet soylar bar, atta keçken asırnıñ 60-ıncı yıllarından qalğanlar. Amma zemaneviy soyları da bar», – dep qayd etti Zelenskıy.

Ukraina prezidentiniñ aytqanına köre, «Rusiye terrorist devlet oldı. O qadar».

Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.

Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.

Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG