Rusiye ordusı iyünniñ 23-nde Mıkolayıvge raketa darbesini endirdi, neticede bir insan yaralandı, dep haber ete Odesa şeer şurası «Yug» Ukraina operativ komandanlığınıñ malümatına esaslanıp.
Berilgen malümatqa köre, qanatlı raketalar Odesa vilâyetine de atıldı, olarnı ava mudafaa küçleri yoq etti.
«Mıkolayıv işğal etilgen Herson vilâyetinden üç qanatlı raketadan ücümge oğradı. Şeerniñ sanayı ve içtimaiy infrastrukturası zarar kördi, bir vatandaş yaralandı, tafsilâtlı malümat alına. Odesa vilâyetine daa eki qanatlı raketa ücüm etti, ava mudafaası olarnı yoq etti», – dep aytıla şeer şurasınıñ Telegramında.
Mıkolayıv şeer yolbaşçısı Oleksandr Senkeviç bugün şeerde «küçlü» patlavlar eşitile, dep bildirdi.
Rusiye ordusı Mıkolayıv vilâyetine aman-aman er kün ateş aça, yasaqlanğan silâ qullanıla.
İyuniñ 22-nde yedi Rusiye raketası Mıkolayıvge ücüm etti, üç insan yaralandı.
Mıkolayıvnıñ şeer yolbaşçısı Oleksandr Senkeviç bildirgenine köre, cebe Mıkolayıvden 20-30 km – Rusiye ordusı Herson vilâyetine yaqın şeer rayonlarına ateş aça.
İyünniñ 12-nde Ukraina prezidenti Volodımır Zelenskıy Rusiye büyük ücüm kerçekleştirgeninden 2606 Rusiye qanatlı raketası Ukrainağa ücüm etti.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
