Qırımtatar Resurs Merkezi Qırımtatar bayraq kününe bağışlanğan «ücümni» içtimaiy ağlarda başlata. Bu aqta merkezniñ matbuat hızmeti bildire.
«Lâqayt qalmağan er kesni, er bir insannı, memleketiniñ tüşüngen vatandaşlarını bizge qoşulmağa çağıramız. «Eki bayraq – bir ğalebe» «ücümine» qoşulıñız, duşman ve dünya körsinler ki, bir şeyge baqmadan, biz küreşimizni beraber devam ettiremiz», – dep aytıla haberde.
«Ücümge» qoşulmaq içün Qırımtatar Resurs Merkeziniñ içtimaiy ağ bağlantılarına keçmek mümkün.
• Facebook: https://www.facebook.com/CTRC2015 https://www.facebook.com/liberatecrimea
• Twitter: https://twitter.com/ctrcenter
• Instagram: https://www.instagram.com/ctrc_center/
• Telegram: https://t.me/LIBERATECRIMEA
«Ücüm» iştirakçileri içün bir metin teklif etile: «Dünyağa, ukrainalılar ve qırımtatarlar Ukrainanıñ topraq bütünligini ğayrıdan tiklemek içün küreşni beraber devam ettirgenlerini köstermek içün Qırımtatar Resurs Merkeziniñ Facebook ücümine qoşulam! Eki bayraq – bir ğalebe!»
Qırımtatar Resurs Merkezi qayd etkenine köre, yazuvlı şiarlar #LIBERATECRIMEA Qırımnı işğalden qurtaruv ve qırımtatarlarnen birdemlik halqara areketiniñ faalleri tarafından azırlanıldı ve ukrainalı ressam Andrey Yermolenko sayesinde körünişini aldı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
