Link açıqlığı

Saatnıñ esas haberi

Rusiyeniñ gemi gruppirovkası Ukrainanı 44 raketanen qorquza – «Yug» operativ komandanlığı


Rusiyeniñ gemi gruppirovkası Ukrainanı 44 qanatlı raketanen qorquza, dep bildire «Yug» operativ komandanlığı Facebookta.

«5 qanatlı gemi, 3 büyük desant gemisi ve 1 suvaltı qayıqtan ibaret duşman quvetleriniñ gemi gruppirovkası 44 qanatlı raketalı darbe telükesini ketire. Aynı vaqıtta, furtunalı ava desantqa enmege bermey», – dep aytıla haberde.

İyünniñ 21-nde, Ukraina silâlı quvetleriniñ malümatına köre, Rusiye qanatlı raketaları Mıkolayıv ve Oçakivge ücüm etti, liman infrastrukturası zarar kördi, müessise ve elektrik hatları zarar kördi.

Ukraina Silâlı quvetleriniñ Baş ştabı qayd etkenine köre, büyük cenk başlağanından Ukraina arbiyleri 137 Rusiye qanatlı raketasını yoq etti. Rusiye arbiyleri zararları aqqında bildirmey.

Ukraina prezidenti Volodımır Zelenskıy Rusiyeniñ büyük ücüminden soñ tahminen 2600 Rusiye qanatlı raketası Ukrainağa darbe endirdi, dep bildirdi.

Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.

Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.

Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

XS
SM
MD
LG