Rusiye Federatsiyasınıñ Mıkolayıv şeerine kerçekleştirgen raketa darbesi neticesinde bir insan can berdi ve altı kişi yaralandı. Bu aqta saba Mıkolayıv vilâyeti arbiy memuriyetiniñ yolbaşçısı Vitaliy Kim bildirdi.
«Saba Mıkolayıvde raketa darbesi neticesinde 4 mesken çoq qatlı ev ve infrastruktura obyekti zarar kördi. Bir kişi elâk oldı ve altı insan yaralandı (biri bala). Qurtaruv işleri keçirile», – dep yazdı Kim Telegramda.
Mıkolayıv şeer yolbaşçısı Oleksandr Senkevıç adise yerinde qurtarıcı, ekim ve kommunal işçiler çalışa.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
