Link açıqlığı

Saatnıñ esas haberi

Ukraina kerekli silâ alsa, qarşı ücüm yaznıñ soñuna doğru bite bile – general Marçenko


Dmıtro Marçenko
Dmıtro Marçenko

Ukrainağa kerekli bütün silâ berilse, Ukraina ordusınıñ qarşı ücümi yaznıñ soñuna qadar bite bile, dep ayttı Qırım.Aqiqatqa Dmıtro Marçenko, birinci künlerden başlap Mıkolayıv ve Mıkolayıv vilâyetiniñ mudafaasini idare etken Ukraina Silâlı quvetleriniñ general mayorı.

«Men kerçekçim sanki. Vaziyet, malümat ve diger şeylerge esaslanıp, tahmin ete bilem. Bunı tahmin etmek içün elimdeki malümat yeterli degil, belki. Amma bunıñ tez bitmeycegi – bu bir kerçek. Kene de: kerekli olğan bütün silâ berilse, qarşı ücüm, belki, yaznıñ soñuna qadar biter», – dep ayttı Marçenko, faal cenk areketleri ne vaqıt biter degen sualge cevap berip.

«Bir taraftan vaqıt ceetinden yutquzamız, olarğa daa teren qazılmağa imkân beremiz, ebet, daa uzun olacaq. Mında… bir vaqıt tahmin etmedim. Mıkolayıvde olğan orduğa qarşı dayanırmız dep, bir vaqıt tüşünmedim. Doğrusını aytayım, bizni bir ocaqqa qapatırlar ve anda küreşecekmiz, dep tüşüne edim, amma köresiñiz, oldı», – dep qoştı o.

Marçenko qayd etkenine köre, Rusiye ile barışıq añlaşmaları meselesinde «qaytılmaycaq noqta» keçti.

«O qadar ölüm ne içün kerek aysa? Qaytılmaycaq noqtadan keçtik. O, başında edi, er şeyni muzakereler basamağında toqtatmağa mümkün olğanda edi, amma olarnıñ yapqanlarından soñ artıq bu noqtadan keçtik. Er angi şekilde raatlıq ve barışıq istegenlerge aytam, olmaycaq. Siz er vaqıt, ayatıñız devamında işğalde yaşaycaqsıñız… Men balalarım serbest memlekette yaşasın isteyim? Ukraina tarihında daa olmağan fırsatımız bar. Yeñmek kerekmiz, istegimiz bar, bizge biraz silâ beriñiz ve bunı yaparmız», – dep bildirdi Ukraina generalı.

İyunniñ 15-nde ABD prezidenti Joseph Biden Amerika Birleşken Devletleri Ukrainağa daa 1 milliard dollarlıq telükesizlik yardımını berecek, dep bildirdi.

İyünniñ 13-nde Ukraina prezidenti ofisiniñ yolbaşçı mesleatçısı Mıhaylo Podolâk Ukraina ordusınınıñ cebede Rusiye küçüne teñ olmaq içün ve cenkte zafer qazanmaq içün bir qaç biñ ağır silâ ve tehnika kerek, dep ayttı.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

XS
SM
MD
LG