Ukrainada Rusiye büyük ücüm kerçekleştirgeninden cenk areketleri neticesinde 313 bala elâk oldı, 579 bala yaralandı, dep bildire Ukraina Baş prokurorı ofisi bala işlerinen oğraşqan prokurorlarnıñ malümatına esaslanıp.
Eñ çoq bala Donetsk vilâyetinde zarar kördi – 219, dep qayd ete Baş prokurornıñ ofisi.
«İyünniñ 14-nde Lviv vilâyetindeki Zoloçiv şeerine tüşken raketa parçalarından bebek zarar kördi. İyünniñ 13-nde işğalcilerniñ Harkiv vilâyetiniñ Pâtnitske köyü ve Çuguyev rayonınıñ Malınivka qasabasına «Grad» reaktiv sistemasından açqan ateşi neticesinde 3 ay, 11 ve 17 yaşlarında üç bala zarar kördi. Cinayetlerni qayd etüvde mart ayından mayıs ayına qadar regionğa açılğan ateş ve bombardıman neticesinde Donetsk vilâyetinde 4 yaşından 17 yaşına qadar 25 bala vefat etti. 21-i Mariupol şeerinden. Mariupolge açılğan ateş neticesinde duşmannıñ snarâdı binağa tüşip, 13 ve 15 yaşlarında qızlar olğan şeer şurası idaresiniñ reberlerinden birinni bütün qorantası vefat etti», – dep bildirdi Baş prokurornıñ ofisi.
Ölgen ve yaralanğan balalarnıñ sayısı tam degildir, çünki faal cenk uruşları devam etken, vaqtınca işğal etilgen ve azat etilgen topraqlarda iş devam ete.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
