Al-azırda Qara deñizde raketa darbeleriniñ telükesini devam ettirgen Rusiyeniñ üç qanatlı raketa taşıyışıcı bar. Bu aqta Ukraina Mudafaa nazirliginiñ «Yug» operativ komandanlığı bildire.
Ukraina arbiyleriniñ malümatına köre, Rusiye Federatsiyasınıñ ordusı Qara deñizniñ şimaliy-ğarbiy qısmında gemi gruppirovkasını kene deñiştirdi.
«20 qanatlı raketa olğan eki raketa gemisi ve bir suvaltı qayıq deñizden raketa ücüminiñ telükesini saqlay, bir desant gemisi desant operatsiyası niyetleri olğanını köstere», – dep aytıla haberde.
«YUG» operativ komandanlığınıñ malümatına köre, bir künde mesüliyetli olğan yerde Rusiye ordusı 70 Rusiye arbiyini ve 60 dane tehnikasını coydı.
Ukraina arbiyleri vatandaşlarnı telüke sesi olğanda telükesizlik tedbirlerine riayet etmege çağıra.
Lviv vilâyetiniñ arbiy memuriyetiniñ yolbaşçısı bergen malümatqa köre, iyünniñ 14-nde Lviv vilâyetinde tüşürilgen raketa parçalarından altı insan zarar kördi. Bundan ğayrı, Ternopil, İvano-Frankivsk ve Hmelnıtsk vilâyetlerinde Rusiye raketaları ava mudafaa vastaları tarafından yoq etildi. İlk malümatqa köre, anda yıqılğan binalar ve zarar körgenler yoq.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
