Avropa Birligi, ABD ve Büyük Britaniya soñki aftalar devamında Ukrainadaki cenkni toqtatuv planını muzakere yolunen toqtatuv planı laf etilgen körüşüvlerni muntazam sürette keçire. Bu aqta CNN telekanalı bir qaç menbağa esaslanıp bildire.
Telekanal subetdeşiniñ malümatına köre, körüşüvlerde hususan İtaliyanıñ planı muzakere etildi. Anda Qırım ve Donbasqa bütünley muhtariyet berilmesi teklif etile.
CNN yazğanına köre, bu körüşüvlerniñ maqsadı – Ukrainağa muzakere içün teklif etile bilecek barışıq planınıñ tahminiy şartlarını belgilemek.
Ukraina bu muzakerelerde dos-doğru iştirak etmey. CNN yazğanına köre, bu ABD baqışlarına zıt kele – «Ukraina aqqında iç bir şey Ukrainasız olmaz». Qayd etile ki, ABD Ukrainağa basqı yapmay ve Rusiye ile muzakerelerge mecbur etmey.
Bu muzakere Rusiye ve Ukraina arasında muzakerelerge yol açarmı belli degil. Telekanal malümatına köre, Washington zıddiyetni diplomatik yolnen çezüv imkânlarını şimdilik körmey.
ABD ve ğarbiy memleketlerniñ memurları CNNge Rusiye ve Ukraina muzakere masasına oturıp, añlaşmasa, cenk yıllarnen devam eteceginen bağlı qasevetlerniñ artqanını bildirdi.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
