Rusiye Federatsiyasınıñ ordusı keçken künü tahminen 100 arbiyini coydı, dep bildirdi Ukraina Silâlı quvetleriniñ Baş ştabı.
Berilgen malümatqa köre, umumen Ukrainağa qarşı cenk başlağanından Rusiyeniñ tahminen 31 biñ askeri öldi.
Bundan ğayrı, Ukraina Silâlı quvetleriniñ Baş ştabınıñ malümatına köre, fevralniñ 24-nden Rusiyeniñ ğayıpları böyle oldı:
- 1376 tank,
- 3379 zırhlı araba,
- 680 top sisteması,
- 207 çoqlu ateş raketa sisteması,
- 95 ava mudafaa vastası,
- 210 uçaq,
- 175 vertolöt,
- 540 operativ-taktik seviyeli uçucısız cihaz,
- 122 qanatlı raketa,
- 13 gemi/kater,
- 2337 maşina tehnikası ve avtotsisterna,
- 53 dane mahsus tehnika.
«Duşmannıñ (keçken künü) eñ çoq zararı Zaporijjâ yönelişinde oldı. Malümat teşkerile», – dep qoştı Ukraina Silâlı quvetleriniñ Baş ştabı.
Martnıñ soñunda ABD baş kâtibiniñ muavini Viktoriya Nuland Rusiyeniñ Ukrainağa qarşı cenkinde 10 biñden çoq Rusiye arbiyi öldi, dep bildirdi. Aprelniñ 15-nde Bellingcat jurnalist tedqiqatları leyhasınıñ müdiri Hristo Grozev Rusiye o vaqıt eñ az 16 biñ arbiyini ğayıp etti, dep bildirdi.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
