Mariupolni qoruğanda esir alınğan «Azov» polkunıñ askerlerinen Ukraina istihbaratçıları bağda buluna. Bu aqta Ukraina İç işler naziri Denis Monastırskıy bildirdi.
«Bugün Azov polkunıñ esir alınğan askerlerinen Mudafaa nazirliginiñ Baş istihbarat idaresiniñ istihbaratçıları bağlanalar. Olarnıñ yardımınen daa çoq malümat alamız: tutuv şaraitleri, aş ve azat ettirüv imkânları aqqında. Mında, Kyivde olacaqlarını bilemiz ve bunıñ içün elimizden kelgenini yapamız», – dep bildirdi Monastırskıynıñ aytqanlarını İç işler nazirliginiñ matbuat hızmeti.
O, bu, «tek yüz boysunmama kününiñ degil, bütün Ukraina tarihınıñ qaraman saifelerinden biri», dep qayd etti.
Mayısnıñ 20-nde Rusiye Mudafaa nazirligi, şeerniñ büyük qısmı Rusiye arbiyleri tarafından zapt etilgen soñ Ukraina arbiyleriniñ soñki qalesi olğan Mariupoldeki «Azovstal» zavodı Rusiye Federatsiyasınıñ kontroline keçti.
Rusiye müessisesi umumen zavodda bulunğan 2439 Ukraina arbiyi «esirlikke teslim oldı», dep bildirdi.
Ukraina prezidenti Volodımır Zelenskıy mayısnıñ 21-nde Rusiye ordusı blok etken «Azovstal» zavodından çıqarılğan Mariupol imayecileri deñişüv çerçivesinde azat etilmeli, dep ayttı.
Rusiye İç işler naziriniñ muavini Andrey Rudenko mayısnıñ 25-nde Moskva «Azov» arbiylerini deñişüv meselesini tek olarnıñ «mahkemesinden» soñ muzakere etecek, dep bildirdi.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
