Link açıqlığı

Saatnıñ esas haberi

Türkiye, Litvaniyada 5 mln euro toplanğan «Bayraktarnı» bedava berecek – Litvaniya Mudafaa nazirligi


Türkiye Litvaniyada alınması içün para toplanğan «Bayraktar» dronını bedava berecek. Bu aqta iyünniñ 2-nde Litvaniya mudafaa naziri Arvidas Anuşauskas bildirdi.

«İnanılmaz, amma Türkiye litvaniyalılar almaq içün para toplağan «Bayraktarnı» bedava bermege razı oldı. Mühteşem! Toplanğan parağa Bayraktar içün parça alacaqmız, qalğan para ise Ukrainağa yardım etmek içün sarf etilecek. Türkiye, sağ ol!», – dep yazdı nazir Twitterde.

Keçken afta Litvaniya ükümeti memleket Ukraina içün «Bayraktar» dronını almaq maqsadınen 5 millirn euro topladı, dep bildirdi.

Cenk dronlarını aluv añlaşması Litvaniya ve Türkiye temsilcileri arasında iyünniñ 1-nde Ankarada imzalandı.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

XS
SM
MD
LG