Link açıqlığı

Saatnıñ esas haberi

Ukraina Yuqarı Radası Denisovanı ombudsman vazifesinden boşattı


Lüdmila Denisova
Lüdmila Denisova

Ukraina Yuqarı Radası mayısnıñ 31-nde Lüdmila Denisovanı ombudsman vazifesinden boşatttı. Bu qararğa 234 halq deputatı qoltuttı, dep bildirdi «Ğolos» fraktsiyasınıñ deputatı Yaroslav Jeleznâk ve «Yevropeyska solidarnist» fraktsiyasınıñ azası Oleksiy Ğonçarenko.

Denisova 2018 senesi martnıñ 15-nde berli Yuqarı Radasınıñ insan aqları vekâletlisi olaraq tayin etildi. Qanunlarğa köre, onıñ vazifelerni yerine ketirüv müddeti 5 yıl olmalı.

«ZMINA. İnsan aqları merkezi» teşkilâtınıñ idare reisi Tetâna Peçonçıknıñ aytqanına köre, ombudsmannı işten çıqarmaq içün anayasa sebepleri yoq edi.

Denisovanıñ fikirince, onı işten boşatuv qararı Prezidentniñ ofisinden kele, amma anda bunı inkâr eteler.

«Prezidentniñ ofisi İnsan aqları vekâletlisiniñ faaliyeti meselelerinen bağlı bir toplaşuv yapmadı ve planlaştırmay», – dep qayd etti mayısnıñ 30-nda Prezident ofisiniñ yolbaşçı muavini Andriy Smirnov Azatlıq Radiosına.

Mayısnıñ 31-nde «Sluğa narodu» Denisovanı vazifeden boşatuvnıñ üç resmiy sebebi bar, dep bildirdi. Hususan cenk vaqtında aq qorçalayıcı faaliyet vekâletlerini yerine ketirmedi («gumanitar ayat ve esirlerni deñişüvni teşkil etmedi»).

Mayısnıñ 30-na qadar parlamentke Ukraina Yuqarı Radasınıñ insan aqları vekâletlisi vazifesine bir namzet resmiy şekilde teklif etilmedi.

Aynı vaqıtta, Azatlıq Radiosınıñ vaziyetten haberdar olğan subetdeşi bildirgenine köre, Denisovanıñ yerinde ekseriyat ya «Sluğa narodu» fraktsiyasınıñ deputatı, 31 yaşında Oleksandr Kaçura, ya da Ukraina imayecileriniñ aqlarını temin etüv meseleleri prezident vekâletlisi, 41 yaşına Olena Verbitskanı körmege istey.

«Amma yaş meselesi bar», – dep ayttı Azatlıq Radiosınıñ subetdeşi, Kaçuranı ima etip.

Oleksandr Kaçura Azatlıq Radiosına bergen izaatında «Yuqarı Rada tayin etken ombudsman çalışqanda tayin etüv keyfiyeti aqqında aytmaq doğru degil», dep qayd etti.

Olena Verbitska Azatlıq Radiosına izaat berip, «uzun yıllar insan aqlarını qorçalasa da», mayısnıñ 30-na qadar Yuqarı Rada insan aqları vekâletlisi vazifesine namzetini kösterüvnen bağlı bir teklif almadı, dep ayttı.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG