Link açıqlığı

Saatnıñ esas haberi

Aqyar rayonlarından biriniñ Rusiye akimiyeti saytında «Qırım – Ukrainadır» banneri peyda oldı


Kanada, Rusiyeden Ukrainağa qarşı cenk toqtatması taalp etilgen aktsiya. 2022 senesi fevralniñ 27-si
Kanada, Rusiyeden Ukrainağa qarşı cenk toqtatması taalp etilgen aktsiya. 2022 senesi fevralniñ 27-si

Aqyarnıñ Nahimov rayonınıñ Rusiye akimiyeti saytında «Qırım – Ukrainadır» banneri peyda oldı. Bu aqta «Mash na volne» Rusiye telegram kanalında haber ete.

«Hakerler kirip, haos yaptı: şimdi bayraq, tuğra ve ukraince yazuvlı şiar asılğan. IT hadimleri elinden kelgenini yapıp, er şeyni tüzetmege tırışa», – dep bildirdi neşir.

Haber derc etilgende Ukraina bayrağı endi yoq edi, amma «Qırım – Ukrainadır» yazısı daa qala.

Aqyarnıñ Nahimov rayonı Rusiye saytı bugün böyle
Aqyarnıñ Nahimov rayonı Rusiye saytı bugün böyle

Aqyarnıñ Rusiye akimiyeti bu adise aqqında açıq malümat bermedi.

Mayısnıñ 10-nda Ukraina akimiyeti Rusiye hakerleri esas Ukraina bağ operatorlarına DDoS-ücüm kerçekleştirdi, dep bildirdi.

Rusiye kiberfaalliknen bağlı qabaatlavlarnı, hususan Kyivniñ Ukrainağa qarşı «gibrid cenk» çerçivesinde büyük kiberucümler aqqında daima inkâr ete.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

XS
SM
MD
LG