Rusiyeniñ Ukrainağa qarşı büyük istilâsı başlağanından 242 bala vefat etti, 440 bala yaralandı. Bu aqta Ukraina Baş prokurorınıñ ofisi balalarnıñ meselelerinen oğraşqan prokurorlarnıñ malümatına esaslanıp, mayısnıñ 28-nde saba bildirdi.
«Eñ çoq bala Donetsk vilâketinde – 153, Kyiv vilâyetinde – 116, Harkiv vilâyetinde – 108, Çerniğiv vilâyetinde – 68, Lugansk vilâyetinde – 51, Herson vilâyetinde – 49, Mıkolayıv vilâyetinde – 45, Zaporijjâ vilâyetinde – 28, Sumı vilâyetinde – 17, Kyivde – 16, Jıtomır vilâyetinde – 15 zarar kördi», – dep aytıla haberde.
Müessise bu raqamlar tam degil, dep qayd ete, çünki faal cenk uruşları devam etken, şimdi işğal altındaki topraqlarda ve azat etilgen topraqlarda olarnıñ sayısını bilmek içün iş devam ete.
Bundan ğayrı, Baş prokurornıñ ofisi Rusiye Federatsiyasınıñ silâlı quvetleri Ukraina şeerleri ve köylerine toqtamayıp bomba atqanı ve ateş açqanı içün 1888 oquv yurtu zarar kördi: 180-i tamamen viran etildi.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
