Finlândiya ve İsveçiyanıñ NATOğa qoşuluvınen bağlı Türkiye vekillerinen keçirgen muzakereleri şimdilik bir netice ketirmedi ve devam etecek,dep haber ete Reuters agentligi.
Helsinki ve Stokgolm Rusiye Ukrainağa ücüm etken soñ telükesizlikleri içün qasevetlenip, NATOğa kirüv arizalarını berdi. Ankaranıñ fikirince, skandinav memleketler Türkiyede terror teşkilâtı olaraq tanılğan Kürdistan İşçi Partisine qoltuta, şu sebepten Türkiye Helsinki ve Stokgolmniñ Şimaliy atlantik alyansqa qoşuluvını blok ete.
Türkiye Tış işler naziri Mevlüt Çavuşoğlu bildirgenine köre, Ankara İsveçiya ve Finlândiyadan terroristlerge yardım etüvni toqtatacaqlarını bekley. Bu alda Türkiye bu memleketlerniñ NATO azalığına qarşı çıqmaycaq. Eki memleket Ankara ile areketlerni koordinatsiya etüv imkânlarına qoltuta.
NATOğa kirmek içün bütün aza memleketleri razı olmalı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
