Rusiyeniñ Ukrainağa büyük istilâsı başlağanından 3974 barışıqsever sakin elâk oldı, 259-ı – balalar. Dört buçuq biñden çoq vatandaş yaralandı. Bu aqta BM insan aqları İdaresi bildire.
Cenkten sebep altı buçuq milliondan çoq ukrainalı qaçaq oldı. Çoqusını Poloniya qabul etti – üç buçuq millionnı. Aman-aman bir million insan Romaniyağa ketti, 650 biñ – Macaristanğa, 470 biñ Moldovağa ketti. Rusiyege 940 biñ ukrainalı ketti.
Tahminen sekiz million insan evlerini terk etip, Ukrainanıñ daa tınç regionlarına keçti. Yarısından ziyadesi qadınlar ola.
Rusiye fevralniñ 24-nde Ukrainağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrainadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrainanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrainanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
