Cumaaqşamı künü, mayısnıñ 19-nda, Ukrainada Vışıvanka künü qayd etile. Ukrainalılarnı hususan prezident Volodımır Zelenskıy tebrikledi.
«Küçlü, boysunmağan, cesür ve serbest! Ukraina, Vışıvanka künüñ hayırlı olsun!», – dep ayttı o, telegramda derc etilgen videoda.
Prezident ofisi «azatlıq ve mustaqillik küreşimizde vışıvanka bizni qorumaqta», dep qayd etti.
Ukraina Mudafaa nazirligi de ukrainalılarnı tebrikledi.
«Ukraina devleti sevgi ve ürmet yipinen bağlı», – dep aytıla Facebooktaki haberde.
Ukraina içün «Eurovisionda» ğalebe qazanğan Kalush Orchestra gruppasınıñ iştirakçileri de ukrainalılarnıñ Vışıvanka kününi tebrikledi.
Qırımtatar Milliy Meclisiniñ reisi Refat Çubarov da Facebookta vışıvankalı fotosüretini paylaştı. «Ebediy ukrain amayılı», – dep yazdı o.
Qırımlı siyasiy mabüslerniñ davalarınen oğraşqan rusiyeli advokat Nikolay Polozov da çette qalmadı. «Er yer Ukraina olacaq», – dep yazdı Polozov.
Fevqulâde vaziyetler devlet hızmeti «bronigini» vışıvankağa deñiştirgen Patron köpekniñ fotoresimini aydınlattı.
Vışıvanka künü – 15 yıl evelsi peyda olğan bir bayram. Mayısnıñ üçünci cumaaqşamı kününde qayd etile ve iç bir devlet ya da din bayramına bağlı degil. Vışıvanka tek bayram alâmeti degil, ukrainalılarnıñ ayat parçasıdır.
Rusiye Ukrainağa büyük ücüm etmezden evel bu bayram munasebetinen raatlıq künleri vışıvankalı kütleviy yürüşler ötkerile edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net . Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
