Qırımdaki Rusiye ükümetiniñ reisi Sergey Aksenov Rusiye prezidenti yanındaki Qırımnıñ daimiy vekiliniñ birinci muavini Aleksey Zabaturinni işten boşattı.
İşbu buyruq Aksenovnıñ resmiy saifesinde aydınlatıldı.
Vesiqada Zabaturin fevralniñ 1-de taraflarnıñ razılığınen işten boşatılğanı qayd etile.
Rusiye FSBsi polkovniki Aleksey Zabaturin Rusiye prezidenti yanındaki Qırımnıñ daimiy vekiliniñ birinci muavini vazifesine 2018 senesi dekabr ayında tayin etilgen edi.
Aleksey Zabaturin Moskva şeeri ve Moskva vilâyetinde Cenübiy-Ğarbiy memuriy okrugı FSB idaresiniñ bölük yolbaşçısı olıp çalışqan edi. 2015 senesi oktâbr ayında Zabaturin Qırımdaki habarcılıqqa qarşı komitet reisiniñ muavini olaraq tayinlengen edi.
