Azatlıq Radiosınıñ saytı blok etilgen territoriyalar içün bağlantı
Nikolay Polozov. Arşiv fotoresimi
Qırımtatar milliy areketiniñ veteranı Veciye Kaşka tutulğanda onı «eñ az bir kere avtomatnen urıp, qırçma taqqan ediler», dep ayta rusiyeli advokat Nikolay Polozov.
Bunı o, noyabrniñ 25-nde Aqmescitte keçirilgen «Qırım birdemligi» cemaat teşebbüsiniñ toplaşuvında bildirdi, dep haber ete Qırım.Aqiqat mühbiri.
Onıñ aytqanına köre, Veciye Kaşka tutulğanını qayd etken videolarnı gizlediler.
«Menim malümatıma köre, Veciye Kaşkanı eñ az bir kere avtomatnen urıp, qırçma taqqan ediler», – dep qayd etti advokat.
Polozovnıñ qayd etkenine, Veciye Kaşkanıñ ölüm işiniñ bir çoq malümatını ögrenmek zor olsun dep, olarnı «faal gizleyler».
«Veciye Kaşkanıñ ölüm davasını alıp barğan tahqiqatçı Nadejda Balaşova qırımtatar milliy areketiniñ veteranı ve bu davanıñ diger figurantlarını tutqan hadimlerniñ (Rusiye uquq qoruyıcılarınıñ – QA) adları ve soyadlarını gizledi», – dedi advokat.
2017 senesi noyabrniñ 23-nde 82 yaşlı Veciye Kaşka vefat etti. Qırımtatar milliy areketiniñ veteranı FSB ve SOBR keçirgen mahsus tedbirlerniñ şaatı oldı. Uquq qoruyıcılar Aqmescitteki qavelerden birinde qırımtatarları Kazim Ametov, Asan Çapuh, Ruslan Trubaç ve Bekir Degermencini tuttı. Olarnı Türkiye vatandaşı Yusuf Aytandan para talap etkenlerinde qabaatladılar.
FSBniñ resmiy malümatına köre, bu adise vaqtında Veciye Kaşka yaramadı. Qadınğa «ilk yardım» çağırıldı, amma hastahanege ketkende Veciye Kaşka can berdi.
Qırımtatar Milliy areketiniñ faali Nariman Celâlnıñ bildirgenine köre, faallerniñ tutulmasına sebep olğan Türkiye vatandaşı Veciye Kaşkanıñ qorantasından para hırsızladı.
Oña qaraman dey ediler. Bir yıl Veciye Kaşkasız (süret toplamı)
1/7Veciye Kaşka 1934 senesi Qırımda doğdı. Doquz yaşlı bala olğanda, o qırımtatar halqı sürgünliginiñ bütün deşetlerini körüp keçirdi.
Azatlıq Radiosınıñ saytı blok etilgen territoriyalar içün bağlantı
2/7Sürgünlik yerinde Veciye Kaşkanıñ qorantası Özbekistanda, Taşkent yanında yaşay edi. Qadın ömür arqadaşı Bekirnen 1950-nci yılları qırımtatar milliy areketine qoşuldı. Başqa faalcilernen beraber o, qırımtatarlarnıñ tarihiy Vatanına - Qırımğa avdeti içün küreşti.
Azatlıq Radiosınıñ saytı blok etilgen territoriyalar içün bağlantı
3/760-ıncı yıllarnıñ soñunda onıñ qorantası Qırımğa qaytmaq qararını aldı. Vatanında bulunıp, Veciye Kaşka ve başqa aile azarı daima sovet akimiyetiniñ basqınçına oğray edi. Olarnı Qırımdan üç kere sürgün ete ediler, amma olar teslim olmayıp, kene qayta ediler.
Azatlıq Radiosınıñ saytı blok etilgen territoriyalar içün bağlantı
4/7Belli sovet uquq qoruyıcısı Andrey Saharovnıñ şefaatı Veciye Kaşka ve qorantasına Qırımda resmiy qayd olunmaqqa yardım etti. Bunıñ içün Ceviye apte Saharoğa Moskovağa barıp yardım soradı
Azatlıq Radiosınıñ saytı blok etilgen territoriyalar içün bağlantı
5/790-ıncı yılları Veciye Kaşka Qırımğa qaytqan vatandaşlarına yardım ete edi. Keyf kötermek içün o, qırımtatarlar sıq yaşağan qasabalarğa qurban qoylarını ketire edi. Keççe bu güzel bir adet olıp qaldı
Azatlıq Radiosınıñ saytı blok etilgen territoriyalar içün bağlantı
7/7Qadın merasimlerde, miting ve konferentsiyalarda faal iştirak ete edi, qırımtatar siyasiy mabüslerine qoltutmaq içün o Aqmescit mahkemeleriniñ binalarına bara edi. 2017 senesi yanvar ayında Qarasuvbazar rayonına Veciye Kaşkanıñ evinde Andley Saharov hatırasına anma duası keçirilgen edi.
