Link açıqlığı

Saatnıñ esas haberi

Keriçteki facia: dört yaralı hastahaneden çıqarıldı


Keriç kolleci ücümden soñ, 2018 senesi oktâbrniñ 18-i
Keriç kolleci ücümden soñ, 2018 senesi oktâbrniñ 18-i

Keriç politehnik kollecindeki ücümde yaralanğan dört kişi oktâbrniñ 29-nda hastahaneden çıqarıldı. Bu aqta Qırımnıñ kütleviy haber vastaları yarımadanıñ Rusiye sağlıq nazirliginiñ malümatına esaslanıp bildire,

«Bugün Keriçniñ bala hastahanesinden 15 ve 17 yaşında eki qızçıq çıqarıldı. Aqmescitniñ 6-ıncı şeer hastahanesinden de bugün 18 ve 28 yaşında eki qızçıq çıqarıldı. Qırımnıñ tibbiy müessiselerinde 21 insan qala», – dep bildire matbuat hızmeti.

Daa evel Qırım hastahanelerinde Keriç kollecindeki patlavda ve atışuvda yaralanğan 25 kişi qala, dep haber etilgen edi.

Oktâbrniñ 17-nde, çarşenbe künü, Keriç politehnik kollecinde patlav ve atışuv oldı. Rusiye Tahqiqat komitetiniñ malümatına köre, Keriç politehnik kollecinde olğan patlavnı 4-ünci kurs studenti, 18 yaşında Vladislav Roslâkov kerçekleştirdi. O, «özüni öldürdi». Facia neticesinde 21 insan elâk oldı. Qırımda üç künlik matem ilân etilgen edi.

Oktâbrniñ 19-nda Keriçte ve Yedi Quyu rayonında ücüm qurbanlarınıñ cenazeleri qılındı. Vedalaşuv merasimine biñlernen insan keldi.

Qırım Muhtar Cumhuriyetiniñ prokuraturası Keriç politehnik köllecinde olğan patlavnı terror ücümi olaraq tasnif ete.

XS
SM
MD
LG