Link açıqlığı

Saatnıñ esas haberi

Rusiye Devlet duması qadınlarnıñ 60 yaşında nefaqağa çıqacağını tasdıqladı


Rusiye Devlet duması
Rusiye Devlet duması

Devlet dumasınıñ deputatları, prezident Vladimir Putin kirsetken tüzetmege çarşenbe künü, sentâbrniñ 26-nda, qoltuttı. Oña binaen, qadınlar 63 yaşında degil de, 60 yaşında nefaqağa çıqacaq, dep haber ete Radio Svobodanıñ rus bürosı.

Sabadan Devlet dumasınıñ binası yanında narazılıq bildirgenler toplaştı. Olarnıñ arasında «Levıy front» lideri Sergey Udaltsov ve bu areketniñf aalleri bar edi.

Bundan evel Devlet duması nefaqağa beş ve ondan az yıl qalğan insanlarnıñ işten boşatılması içün cinaiy mesüliyet belgilegen qanun leyhasını üçünci oquvda tasdıqlağan edi. Böyle allarda 200 biñ rubleden para cezası ya da 360 saatqa qadar mecburiy işler berilmesi belgilenmekte.

İyül ayınıñ ortasında Devlet duması erkekler içün 65 yaşına qadar ve qadınlar içün 63 yaşına qadar nefaqa yaşınıñ ardı-sıra arttırılmasına dair ükümetniñ qanun leyhasını qabul etken edi. Nefaqa islâatı Rusiyeniñ farqlı şeerlerinde bir çoq narazılıq aktsiyasınıñ sebebi oldı, içtimaiy hızmetler prezident Vladimir Putinniñ reytingi tüşkenini qayd etti.

Avgustnıñ 29-nda Putin qadınlar içün nefaqa yaşını 63 yerine 60-qa eksiltip, nefaqa islâatını yımşatmağa teklif etti.

Kreml nezaretindeki Qırım ve Aqyar parlamentleri nefaqa islâatınıñ qanun leyhasına qoltutqan edi.

Qırımda Rusiyeniñ nefaqa islâatına qarşı narazılıq aktsiyaları keçirile. Yarımadanıñ farqlı regionlarında miting, narazılıq aktsiyaları olıp keçe ve imzalar toplana. Çoqusı mesken yerlerniñ akimiyetleri böyle aktsiyalarğa ruhset bermey.

XS
SM
MD
LG