Sentâbrniñ 25, Salı künü Qırımda ava birden deñişecegi, ava salqınlaşacağı ve küçlü yağmurlar yağacağı beklenile. Bu aqta Qırımda Rusiye FVN idaresini matbuat hızmeti haber etti.
“Qutuptan suvuq kelgeni sebebinden sentâbrniñ 25-nde Qırımda ava birden deñişecegi beklenile: küçlü, yer-yer pek küçlü yağmur yağacaq, furtuna, saniyede 20-25 metr tezliginde şimaliy-ğarbiy yel esecek, kündüz sıcaqlıq 10-12 derecegece tüşecek”, - denilmekte haberde.
Rusiye FVN furtuna maalinde şeer içinde çoq yürmemege, yerastı keçitlerge ve alt seviyedeki çuqur yerlerge enmemekni tevsiye ete. Ondan da ğayrı, nazirlik reklam panoları, levhaları ve tereklerden uzaq turmaqnı tevsiye etmekte.
Sinoptiklerniñ tahminlerine köre, bazaertesi künü Qırımda ava 27 derecege qızacaq ve bulutlı olacaq, ama yağmur beklenmey.
