AQŞ prezidenti Donald Trump sentâbrniñ 20-nde, Qırım ilhaqı ve Ukrainağa nisbeten tecavuzkâr areketlernen bağlanğan şekilde Rusiyege qarşı sanktsiyalar meselesinde, aynı zamanda, “Amerika sanktsiyalarından dolayı Amerika muhaliflerine qarşı çıquv” qanunına muvafıq, Maliye nazirligine ilâve vekâletler bergen ferman çıqardı..
Trumpnıñ Senat reberi ve Palata temsilcisine yollağan Qapaq mektübinde, bu fermanğa sanktsion rejimge qatiyen riayet etmek kerek olğanı aqqında söz yürsetile denilmekte, dep haber ete Azatlıq Radiosı.
Ferman yañı sanktsiyalar kirsetmekni közde tutmay, o yalıñızRusiyege nisbeten üküm sürgen sıñırlav çarelerini bir tertipker kirsete.
Ayrıca ferman AQŞ tarafından şahıs ve şirketlerge nisbeten kirsetilebilecek sanktsiyalarnı sıralay. Söz kreditni yasaqlav ve sıñırlav, aktivlerni toñdıruv, Amerika vatandaşları ve şirketlerine sanktsiyalar cedveline kirgen şahıslarnen iş tutmaqnı yasaqlav, viza bermekni yasaqlav ve saire sıñırlavlar aqqında kete.
