Ukraina prezidenti Petro Poroşenko sentâbrniñ 20-nde Yuqarı Radada yapqan çıqışında, “Qırım keri qaytqan soñ – Aqyarda Rusiye Qaradeñiz flotınıñ bazası olmaycaq”, dep ayttı.
“Anayasadan Qaradeñiz flotı bulundırma mecburiyeti bar degen maddeni alıp taşlamanması teklif etile. Qırımnı keri qaytarğanımızdan soñ, Aqyarda Rusiye bazası qalmaz”, - dedi Poroşenko.
Keçken sene Petro Poroşenko Yuqarı Radada sentâbrniñ 7-nde çıqış yapqan edi. O zaman o Rusiye tecavızında dolayı telüke, Ukrainanıñ “vizasızlıq” meselesindeki muvafaqiyeti aqqında aytıp, parlametni 2020 senesi deputat toqunmamazlığına lâğu etmege ve topraq islâatına qol tutmağa çağırğan edi.
Halqara cemaatçılıq Qırımnıñ işğali ve ilhaqını qanunsız dep tanıdı ve Rusiyeniñ areketlerini tenqit etti. Ğarp memleketleri bir sıra iqtisadiy sanktsiyalar kirsetti. Rusiye yarımada ilhaqını inkâr etip, buña «tarihiy adaletniñ tiklenmesi» dey. Ukraina Yuqarı Radası 2014 senesi fevral ayınıñ 20-sini Rusiye tarafından Qırımnıñ muvaqqat işğaliniñ resmiy başlanğıç künü dep qabul etti.
