Doquz yıl içinde rusiyelilerniñ televizion haberlerine olğan işançı 79-dan 49- faizge tüşti. “Levada-tsentr” keçirgen sorav olar artıq üçte birine işanğanlarını köstere.
İnternet-neşirler derc etken malümatqa ise aynı muddet içinde işanç seviyesi 7-den 24 faizge yükseldi.
Soralğanlarnıñ dörtten biri, pensiya yaşı deñişkeni aqqında malümat televizon haberlerinden köre, internette daa ziayde aydınlatılğanını ayta. Ondan da ğayrı, soralğanlar, internette siyasetçi ve memurlarnıñ ayatı ve vaziyeti, iqtisadiy vaziyet, ayrıca narazılıq tedbirleri ve tışqı siyaset “daa tolu ve obyektiv” aydınlatılğanını qayd eteler.
Bu arada soralğanlarnıñ 73 faizi Rusiye televizionı ale daa haberlerniñ esas menbası olğanını ayta. Yaşı 18 ile 24 arasında olğan sorav iştirakçileriniñ fikiri aman-aman yarı-yarığa bölüne: 49 faizi - televizionnı, 51 faizi ise internetni – üstün tutalar. 55 yaşını keçken iştirakçiler arasında köstergiçler 81% ile 18% oranındadır.
2014 senesi Rusiye Qırımnı ilhaq etken soñ, Kyiv bunı Rusiye yapa dep tanığanı neticesinde, Ukraina “tecavuzcı-devletniñ propagandasını tarqatqanı içün” 70 dane Rusiye televizion kanalınıñ yayınlavını sıñırladı.
