«Veciye Kaşka davası»nıñ iştirakçisi Bekir Degermenci tibbiy yardımğa muhtac, hususan, oña cerrarlıq ameliyatı kerek. Bunıñ aqqında Qırım.Aqiqat Radiosınıñ efirinde qızı Mavile Degermenci aytıp berdi.
«Onıñ sağlığı qaviy degil. Hususan, reanimatsiyağa tüşkeninden soñ. Endi o ilâcsız yaşap olamay.. Qan basımı pek yüksek. Şimdi avalar daa sıcaq, dımlılıqtan qorqmamaq mümkün, amma salqınlaşsa ve dım peyda olsa, onıñ alı daa fena ola. Onıñ boynunda balaban çibanlar çıqta, olarnı kesip almaq kerek», - dedi Degermenci.
Onıñ sözlerine köre, atta o çibanlar kesilip alınsa, SİZOdaki pislik, infektsiya kirsetilmesiniñ sebebi olmaq mümkün.
2017 senesi noyabr 23-te Aqmescitte Rusiye telükesizlik hadimleri bir gruppa qırımtatarlar – Kâzim Ametov, Asan Çapuh, Ruslan Trubaç ve Bekir Degermencini yaqaladılar. Olarnı, Türkiye vatandaşından aqsız yerde para talap ettiler, dep şübheli tanıdılar. Yaqalanuvları esnasında qırımtatar milliy areketiniñ veteranı Veciye Kaşka yaramadı. Daa soñra qadın vefat etti.
Bekir Degermencide sürekli astma bar, onıñ alı SİZOda ağırlaştı.
2017 senesi noyabr 23-te Aqmescitte Rusiye telükesizlik hadimleri bir gruppa qırımtatarlar – Kâzim Ametov, Asan Çapuh, Ruslan Trubaç ve Bekir Degermencini yaqaladılar. Olarnı, Türkiye vatandaşından aqsız yerde para talap ettiler, dep şübheli tanıdılar. Yaqalanuvları esnasında qırımtatar milliy areketiniñ veteranı Veciye Kaşka yaramadı. Daa soñra qadın vefat etti.
Bekir Degermencide sürekli astma bar, onıñ alı SİZOda ağırlaştı. Qırım Yuqarı mahkemesine “acele yardım”nı çağırtqan ediler.
Dekabrniñ 14-ne keçer gecesinde o, reanimatsiyağa tüşti, bundan soñ onı pulmonologiya bölügine keçirdiler. 2018 senesi yanvar 2-de onı kene SİZOğa avuştırdılar.
Qırımtatar faalcisi Asan Çapuh SİZOda mikroinsult keçirdi ve acele sürette hastahanege yatqızılmaq kerek edi.
Rusiye Qırımnı ilhaq etken soñ, mustaqil jurnalistler, cemaat ve qırımtatar Milliy areketiniñ faalcileri, qırımtatar Milliy Meclisiniñ azaları ve Rusiyede yasaqlanğan «Hizb ut-Tahrir» ile alâqaları olğanında şeklengen musulmanlarnıñ evlerinde sıq-sıq tintüvler keçirip başladı.
