Rusiye rublesi AQŞ dollarına nisbeten küçüni coymağa devam ete. Sentâbrniñ 10-nda american para birimi içün 70 ruble berile, dep haber ete Azatlıq Radiosı.
2016 senesi mart ayından itibaren bu ilk defa oldı.2018 sene devamında ruble 19% coydı.
Mutehassıslar Rusiye parasınıñ qıymeti tüşkenine AQŞnıñ cariy ve potensial sanktsiyaları, Rusiye iqtisadiyetınıñ umumiy vaziyetinen raatsızlıqlarını, ayrıca, inkişaf eteyatqan devletlerden kapitalnıñ çıqıp ketkenini AQŞ aktivleriniñ cazibeligi artışınen izaatlay.
Mevzuğa dair: Rublege qarşı «ceennem» sanktsiyaları: rusiyeliler ne coyabile
Reuters agentliginiñ malümatına köre, rubleniñ tüşüşi, büyük ihtimal içerdeki mecburiyetlerini becermek içün çetel valütasını satacaq ihracatçı-şirketler tarafından sıñırlanır, bu hususan, aynıñ ekinci yarısında bergiler tölengen maalde olur.
2014 senesi Qırım ilhaq etilgen soñ, Birleşken Devletler ve Avropa Birligi Rusiyege qarşı sanktsiyalar kirsetti.
Avgustnıñ 8-nde 2018 senesi mart ayında Büyük Britaniyada Rusiyeniñ sabıq casusı Sergey Skripal ve onıñ qızı Yuliya kimyeviy silâ qullanaraq zeerlengeni içün AQŞ Devlet departamenti yañı sanktsiyalar kirsetkeni aqqında ilân etken edi. Sanktsiyalarnıñ ilk etapı avgust ayında küçke kirdi. Eger Rusiye bir daa kimyeviy silâ qullanmaycağına dair “işançlı garantiyalar” bermese ekincisi noyabr ayınıñ soñunda kirsetilecek.
